Mae’r Aelod y Senedd, Lindsay Whittle wed condemnio galwad gan Reform i dynnu i lawr baner Wcráin sy’n hedfan y tu allan i’r Senedd yng Nghaerdydd.
Dywedodd Lindsay Whittle: “Dengys y cais hwn pa mor bell o realiti y mae Reform â chefnogaeth lethol mwyafrif pobol Cymru sydd yn cefnogi’r frwydr ddewr yn erbyn goresgynwyr Rwsiaidd.”
Cysylltwyd ag aelod Blaenau Gwent, Caerffili a Rhymni gan Yuliia Bond, aelod o’r gymuned Iwcranaidd, sydd nawr yn byw yn Sir Caerffili, i ofyn iddo am ei gefnogaeth.
Dywedodd Lindsay Whittle: “Gallaf ddweud heb flewyn ar fy nhafod fy mod yn cefnogi cyhwfan baner Iwcrain y tu allan i’n Senedd yng Nghaerdydd. Dylem sefyll i fyny yn erbyn Putin a’i gyfundrefn sydd yn bomio pobol ddiniwed yn gyson yn yr Iwcrain ac mae chwifio’r faner yn arddangos cefnogaeth i’w brwydr.
“Byddai llawer gwell i bawb petai aelodau Reform yn y Senedd yn atal cynhyrfu pethau pob cyfle.”